Tuandikie

Tunatumia huduma za nje kuhakikisha nakala zilizowasilishwa hazina ushahidi wa matumizi ya AI na wizi wa maandiko. Chama cha Waandishi kina hati muhimu, ” Mazoea Bora ya Akili Bandia kwa Waandishi .”

Jarida la Marafiki halikubali makala yaliyoandikwa na programu za akili bandia kama vile ChatGPT na Grammarly au vipengele vya AI vilivyounganishwa katika programu za kuchakata maneno kama vile Hati za Google na Microsoft Word. Hakuna zana za kuandika zinazosaidiwa na kompyuta zinazopaswa kutumika kwa chochote isipokuwa ukaguzi mdogo wa tahajia au urekebishaji wa sarufi.

Pia hatutumii au kukubali picha zinazozalishwa na AI.

Miongozo ya Jumla ya Uwasilishaji

Masuala mengi ya Jarida la Marafiki yametengwa kwa mada maalum. Kila baada ya miezi 18 au zaidi tuna andaa kura ya maoni inayotoa mwelekezo na mawazo kuhusu masuala ya usoni (Orodha ya sasa inapatikana kwenye ukurasa wetu wa mawasilisho ).

Pia tunaweka wazi matoleo manne kila mwaka: hakuna mada na hakuna matarajio. Nakala nyingi tunazozipokea kama hazijaombwa huingia kwenye orodha ya ”Mawasilisho ya Jumla” ambayo tunashikilia kwa masuala haya. Wakati mwingine chaguo ni rahisi: tutapata makala maarufu sana ambayo tunajua tunapaswa kuchapisha. Lakini mara nyingi tutazingatia nakala tulivu ya maisha ya Quaker ambayo hutolewa kwetu bila kuzingatia ratiba zetu.

Ushauri muhimu ni kuzingatia miongozo yetu ya uwasilishaji wa uhariri. Utangulizi wa tunachokitafuta ni wa mwelekezo.

Tunapendelea makala yaliyoandikwa kwa mtindo mpya, usio wa kitaaluma. Marafiki wanathamini mtazamo unaozingatia wa maisha na katika mawazo ya kidini. Wasomaji wetu huthamini sana makala kuhusu: kuchunguza shuhuda na imani za Marafiki; kuunganisha imani, kazi, na maisha ya nyumbani; Marafiki wa kihistoria na wa kisasa; masuala ya kijamii na vitendo; na aina mbalimbali za imani katika matawi ya Marafiki.

Unapaswa pia kuzingatia vidokezo vyetu vya kuandika kwa Jarida la Marafiki . Hii ndiyo orodha yetu ya makosa ya kawaida katika machapisho yanayowasilishwa-matatizo kama vile urefu, muundo na mtindo wa uandishi.

Swali unalofaa kujiuliza unapoandika au kutuma pendekezo la makala kwetu ni ”kwanini Jarida la Marafiki?” Kuna sehemu chache sana ambapo mtu anaweza kuandika kuhusu uzoefu wa Quakers na kazi yake ikachapishwa. Upungufu huu hutupa changamoto tunapochagua makala kwa toleo lisilo na mada maalum. Waandishi hawaitaji kuwa wa Quaker, lakini makala inapaswa kuwa na uhusiano thabiti wa Quaker. Hatuoni aibu kutumia kipengele cha ‘Control-F’ kutafuta ni mara ngapi neno ”Quaker” au ”Friends” limetajwa. Ikiwa ni rejeleo lililowekwa alama kwa sababu unanunua kipande kilichoandikwa kwa chapisho lingine, labda hakitatufaa.

Ukiwa tayari kututumia makala, tafadhali tumia huduma ya ‘Submittable’ ili tuwe na taarifa zako zote kwenye rekodi yetu. ”Mawasilisho ya Jumla” ni kategoria ya nyenzo ambazo tunazingatia kwa masuala yasiyo na mada.

Kiungo cha kushiriki: Kuandika kwa Mawasilisho ya Jumla

Januari 2026: Watu wa Asili na Marafiki (tarehe ya mwisho iliyoongezwa 11/03/2025)

Historia ya uhusiano wa Quaker na watu wa kiasili imejaa mikanganyiko. William Penn alijadili Mkataba wa Shackamaxon na watu wa Lenape alipofika katika eneo lao (ambalo sasa linajulikana kama Pennsylvania), lakini miaka 55 baadaye, wanawe waliwahadaa na kuwanyang’anya maeneo makubwa ya ardhi. Kuna hadithi za Marafiki kuandaa msaada wa chakula, lakini sehemu ya simulizi hizo zinahusu vifo vingi vilivyosababishwa na magonjwa yaliyoletwa na Marafiki. Marafiki walifungua shule za bweni na za kutwa kwa ajili ya watoto Wenyeji wa Marekani, lakini wakaendesha shule hizo kwa bidii iliyowatenganisha wanafunzi na familia zao, utamaduni, lugha, na hali ya kiroho.

Mnamo Januari 2026 tunaangazia Watu wa na Marafiki, historia na mahusiano ya kisasa.

Tungependa kuangazia mitazamo ya Watu wa Asili kwa toleo hili, lakini tunatambua kwamba hata hili huchochea utambulisho changamano: ni kiasi gani cha ukoo wa watu wa asili unahitimu? Ni aina gani ya asili ya kitamaduni inatosha? Natumai hadithi nyingi za kibinafsi zitaeleza kwa kina na undani wa utambulisho.

Tungependa pia kuimarisha misingi mbalimbali ambazo watu wa asili na Marafiki wa kiasili wamefanya. Kuna mikutano nyingi ya kiasili ya Quaker, makutaniko ya watu kibinafsi na mikutano ya kila mwaka, ambayo imetoholewa na pia kubadilishwa Ukristo wa wakoloni. Marafiki wengine wa kiasili wamejitahidi kudumisha na kurudisha imani zao za asili, na bila shaka pia kuna wale walio katika viwango mbalimbali vya theolojia ya Quakerism duniani kote. Tungependa kujua ni aina gani ya nyenzo muhimu zinazopatikana katika utamaduni wako na pia ni uangalizi na marekebisho yapi yanayoitajika.

Jarida la Marafiki pia linatafuta sauti kutoka nje ya Marekani kwa toleo hili na zinginezo. Marafiki katika maeneo kama vile Amerika ya Kusini na Afrika wanakaribishwa kuwasilisha hadithi zao.

Machi 2026: Utambulisho vya Kijinsia na wa Kimapenzi (inatakiwa tarehe 12/22/2025)

Maelezo ya kina yatakuja hivi karibuni.

Mei 2026: Marafiki katika Amerika ya Kusini (tarehe 2/23/2026)

Ni kwa shangwe na furaha tele kukujuza kwamba mnamo Mei 2026, Jarida la Marafiki litatoa toleo maalum kwa Marafiki wa Amerika. Hii itakuwa fursa ya kipekee ya kusikiliza, kujifunza, na kusherehekea vidokezo vingi vya imani ya Quaker katika Amerika ya Kusini na Karibea, picha iliyojaa hadithi, ushuhuda, na mitazamo inayoboresha familia ya kimataifa ya Quaker.

Tungependa kuwaalika Marafiki wote walio Amerika ya Kusini kushiriki kwa kuandika kwa toleo hili, na pia kuwakaribisha kwa moyo mkunjufu wale ambao wangali hawapata kulifahamu Jarida la Marafiki . Dhamira yetu ni kutoa nafasi inayokisi utofauti na uzoefu wa Marafiki wa bara hili, kwa wale wanaozungumza Kihispania na kwa wale wanaozungumza Kiingereza, ambao wangependa kujifunza na kuchunguza kwa kina zaidi kuhusu ukuaji wa Marafiki katika bara jipya.

Baadhi ya mada ambazo tunafurahia kuchunguza ni pamoja na:

Fasihi, historia, na mizizi ya Marafiki katika Amerika ya Kusini

Marafiki walikuja vipi Amerika ya Kusini? Ni masimulizi gani yaliyosalia kuhusu misheni ya mapema ya Marafiki, taasisi za Bibilia, seminari, au shule za mafunzo ya theolojia? Utambulisho na Utendaji: Marafiki wanaamini nini katika nchi yako? Wanaabudu vipi? Ni kipi kinachotambulisha jamii kama Quaker wakati maonyesho yake ya kitamaduni na ya kiroho yanatofauti sana? Je, theolojia ya Marafiki inaeleweka na kuishi vipi katika muktadha wa Amerika ya Kusini? Je, Marafiki wameandika katika Amerika ya Kusini? Je, wametoa mchango upi kwa mawazo ya kimataifa ya Quaker? Jumuiya za Marafiki wa Amerika Kusini na misheni kote ulimwenguni. Pia, tujuze kuhusu mikutano yako ya kila mwezi na ya kila mwaka, makanisa, wachungaji wa Quaker, pamoja na taasisi za ndani au za kimataifa zinazoshiriki pamoja na jumuiya yako.

Mabadiliko ya Kijamii

Ni hadithi zipi zipo kuhusu uwepo wa Quaker katika elimu, afya, amani na haki? Programu kama vile AVP (Mbadala kwa Vurugu) zimeathiriwa vipi? Marafiki wameitikiaje changamoto za ukosefu wa haki za kijamii, kisiasa, na kiuchumi katika nchi zao? Tunaamini pia kwamba hadhira yetu ya kimataifa itavutiwa hasa na: Uzoefu wa wachungaji wa kike wa Quaker katika Amerika ya Kusini na uongozi wa wanawake katika jamii. Mazungumzo kati ya tamaduni za kiinjili za Quaker na wamisionari katika bara hilo. Hadithi za urafiki na ushirikiano kati ya Marafiki wa Amerika ya Kusini na Marafiki wa Amerika Kaskazini. Kupitia toleo hili, tunatumai kujenga madaraja, kupanua upeo wa mawazo, na kutoa sauti kwa wale walioko katika pembe mbalimbali za Amerika wanaoendelea kusikiliza na kuitikia Roho wa Mungu.